भारुको अवैध कारोबार

भारु प्रतिबन्धले नेपालको आर्थिक वृद्धिमा असर

भैरहवा, १९ माघ । सीमा क्षेत्रमा भारतीय मुद्राको अवैध कारोबारले मनिचेन्जर व्यवसायी मारमा परेका छन् ।

लुम्बिनी मनिचेन्जर सङ्घले भारतीय मुद्रामा देखिएको समस्या तथा समाधानको लागि सीमा क्षेत्रमा भारतीय रुपैयाँको सङ्कलन केन्द्र आवश्यक भएको बताएको छ । सङ्घका कार्यबाहक अध्यक्ष गोपाल भण्डारीका अनुसार दैनिक लाखौँं भारतीय रुपैयाँको अवैध कारोबार भइरहेको बताउनुभयो । प्रमुख जिल्ला अधिकारी विष्णुप्रसाद ढकालले नेपाल र भारतबीचको व्यापार असन्तुलनको मुख्य कारण भारतीय रुपैयाँको अवैध कारोबार भएको बताउनुभयो ।

नेपाल राष्ट्र बैंक भैरहवा शाखा प्रमुख श्रवण अधिकारीले विदेशी विनियम २०१९ अनुसार मनिचेन्जरलाई विदेशी मुद्राको सटहीको अख्तियारीसहित इजाजत दिएको हुँदा उनीहरुको नियमन र निरीक्षण गर्दा राष्ट्र बैंँकसँग समन्वय र सहकार्य गर्नुपर्ने बताउनुभयो । डेबिट कार्ड, क्रेडिट कार्डको प्रयोग तथा नगदको कारोबार कम गरेमा अवैध धन्दा रोक्न सहयोग पुग्ने उहाँको भनाइ छ । सटही गर्दा प्रति रुपैयाँ अधिकतम ४० पैसासम्म मनिचेन्जर सन्चालकले कमिसन राख्न पाउने नियम छ ।

एक उत्तर छोड्न