अघोषित नाकाबन्दी तत्काल अन्त्य गर्न अध्यक्ष दाहालको आग्रह

जनयुद्धका
prachanda

काठमाडौँ, १९ माघ । एकीकृत नेकपा (माओवादी)का अध्यक्ष पुष्पकमल दाहालले नेपालको संविधानको पहिलो संशोधन भइसकेपछि पनि दक्षिणी सीमा नाका नखुलेको विषयमा चासो व्यक्त गर्नुभएको छ ।

अध्यक्ष दाहाललाई भेट्न आज उहाँकै निवास लाजिम्पाट पुग्नुभएका भारतीय राजदूत रणजीत रायलाई नाकामा अवरोध नरहेको भए पनि नखुल्दा समस्या कायम रहेको भन्दै चासो व्यक्त गर्नुभएको हो ।

उहाँले नयाँ संविधानको सहज कार्यान्वयनमा आफूहरु लागेको भन्दै त्यसमा भारतीय पक्षको सकारात्मक सहयोग आवश्यक रहेको बताउनुभयो । भारतले जारी राखेको अघोषित नाकाबन्दी तत्काल अन्त्य गरेर सहज वातावरण तयार पार्न अध्यक्ष दाहालले आग्रह गर्नुभएको उहाँको सचिवालयले जारी गरेको विज्ञप्तिमा जनाइएको छ ।

सो अवसरमा भारतीय राजदूत रायले सीमामा देखिएको समस्या समाधान हुने विश्वास व्यक्त गर्नुभएको थियो ।

एक उत्तर छोड्न