अनुमति नपाएको सडकमा चालकको दादागिरी

सडकमा चालक अनुमतिपत्र
काठमाडौँ,भदौ ७ – रुकुमको छेपारेदेखि आठबिसडाँडागाउँ गाविसको सिमबजारसम्मको सडकमा यातायात चलाउन अनुमति छैन । अनुमति नै नपाएको सडकमा चालक अनुमतिपत्र नभएका चालकले पुराना थोत्रा जिपहरु सञ्चालन गरी दादागिरी चलाउँदै आएका छन् ।
बाह्र जनासम्म अट्ने क्षमता भएका थोत्रा जिपमा २० भन्दा वढी यात्रु कोचेर जोखिमपूर्ण यात्रा गराउँदा दुर्घटनाको सम्भावना वढेको छ । बाइस किलोमिटर सडकमा ३५० रुपैयाँ भाडा लिएर क्षमताभन्दा वढी यात्रु राखेर लुट मच्चाउने गरेको यात्रुहरुले बताएका छन् ।
यो रुटमा चल्ने जिपका चालकहरुको लाइसेन्स अर्थात चालक अनुमतिपत्र कसैको पनि नभएको पाइएको छ । छेपारेदेखि सिमबजारसम्म प्रहरी चौकी नभएका कारण यसरी लुट मच्चाउन सजिलो भएको छ ।
करिब १५ मिटरको दुरीमा रहेको इलाका प्रहरी कार्यालय आठबिसकोटले कुनै पनि चासो नदेखाएको आठबिसकोट–५ का कालीबहादुर सार्कीले बताए । यात्रुहरु किलाकोच गरेर नराख्न अनुरोध गर्ने यात्रुलाई बीचबाटोमै अलपत्र पार्ने गरेको र दुव्र्यवहार गर्ने गरेको यात्रुहरुको भनाई छ ।

Leave a Reply