काँग्रेसका सबै निर्वाचन क्षेत्र को अधिवेशन सम्पन्न

समर्थन

काठमाडौँ, फागुन १७- नेपाली काँग्रेसको १३औँ महाधिवेशनको तयारीका क्रममा २४० वटै निर्वाचन क्षेत्र को क्षेत्रीय अधिवेशन सकिएको छ ।

महाधिवेशन सुरु हुन तीन दिन बाँकी हुँदा क्षेत्रीय अधिवेशन सकिएको हो । क्षेत्रीय अधिवेशन हुन बाँकी रहेका रसुवा र महोत्तरी ३ नं क्षेत्रमा आज अधिवेशन भएको केन्द्रीय निर्वाचन समितिले जनाएको छ । । यसअघि केन्द्रीय समितिले गत माघ २२ गते २४० वटै निर्वाचन क्षेत्र मा अधिवेशनको तिथि तोके पनि विभिन्न कारणले यी क्षेत्रमा अधिवेशन हुन सकेको थिएन । क्षेत्रीय अधिवेशन आजदेखि सकिएको निर्वाचन समितिका सचिव जगन्नाथ श्रेष्ठले राससलाई जानकारी दिनुभयो ।

“काँग्रेसको विधानानुसार २४० निर्वाचन क्षेत्रबाट समावेशी समानुपातिक प्रतिनिधित्वसहित १२ जनाका दरले दुई हजार ८८० प्रतिनिधिले महाधिवेशनमा भाग लिनेछन् । त्यसैगरी भ्रातृ एवम् शुभेच्छुक १८ संस्थाका ९८, विदेशस्थित १७ जनसम्पर्क समितिका १२६ र वर्तमान केन्द्रीय समितिका पदाधिकारी एवम् केन्द्रीय सदस्य ८४ गरी तीन हजार १८८ महाधिवेशन प्रतिनिधि सहभागी हुने निश्चित भएको छ”–उहाँले भन्नुभयो ।

पछिल्लो पटक क्षेत्रीय अधिवेशन सकिएका र विवाद रहेका गरी १० जिल्लामा महाधिवेशनपछि मात्र जिल्ला अधिवेशन हुने समितिले जनाएको छ ।

एक उत्तर छोड्न