पूर्वअध्यक्षहरुको समर्थन पनि शर्मालाईः भोली पतिस्पर्धा हुँदै

काठमाडौं । भोली जनवरी १२ तारिकमा हुने नेपाल एसोसिएसन अफ टूर एन्ड ट्राभल एजेन्टस् (नाट्टा)को वार्षिक साधारण सभा एवं निर्वाचनमा गैरजानीतिक, व्यवसायीक र स्वतन्त्र समुहको तर्फबाट दिपेन्द्र कुमार शर्मा घिमिरे र राजनीतिक गठबन्धनबाट सिएन पाण्डेबीच प्रतिस्पर्धा हुने भएको छ ।

लामो समयदेखि नाट्टालाई राजनीतिक मुक्त बनाउनुपर्छ भन्ने जोडलाई सम्मान गर्दै व्यवसयीक संस्थाको पहिचान दिनको लागि नाट्टा सम्वद्व विज्ञ र पूर्व अध्यक्षहरुले शर्माको गैरराजनीतिक टिमलाई सर्मथन गर्ने भएका छन् ।

उनीहरुले राजनीति आफ्नो ठाउँमा हुन्छ भन्दै नाट्टाको साखलाई जोगाई राख्न पनि डिके शर्माको टिमको विकल्प नभएको बताएका छन् ।

त्यसैगरी नाट्टा गैराजनीतिक तथा व्यवसायीक टिमको तर्फबाट अध्यक्षको प्रत्यासीका रुपमा रहेका दिपेन्द्र कुमार शर्मा घिमिरेले हामीले नाट्टालाई व्यवसायीक र सानदार संस्था बनाउनको लागि समावेशी टिम बनाएका छौं भन्दै नाट्टाको साख गिर्न नदिनको लागि आफ्नो अभियान रहेको हुँदा सम्पूर्ण अग्रज तथा नाट्टा सम्बद्ध व्यवसायीहरुलाई सहयोग गरिदिनुहुन आग्रह गरेका छन् ।

‘अब पनि हामी चुप बस्यौं भने राजनीतिकरण अझ बढ्छ । त्यसको अन्तका लागि पनि मेरो समुहको नेतृत्व नाट्टामा जान जरुरी थियो । हामीमा कुनै स्वार्थ छैन । सहमतिको नाममा नाट्टाका वर्तमान कार्यसमितिलाई समेत गुम्राहामा राखेर सहमति भनियो त्यो हामीलाई थाहै छैन, कस्तो सहमति कहाँ कसरी भएको सहमति हो । हामीलाई पनि थाहा हुनु पथ्र्यो नि ? यो अत्यन्तै दुःखद पक्ष हो । त्यसकारण व्यवसायी साथीहरुले वास्तविकता बुझ्नुहुनेछ र हामीलाई सहयोग गर्नुहुनेछ भन्नेमा हामी विश्वस्त छौं’ उनले बताए ।

व्यवसायीहरु पनि नाट्टामा गैरराजनीतिक र व्यवसायीक नेतृत्वकै खोजीमा रहेको भन्दै उनले संस्थापन पक्षको तर्फबाट आफ्नो नेतृत्वमा व्यवसायीले खोजे अनुसारको व्यवसायीक टिम बनेको जिकिर पनि गरे । शर्माले नाट्टाले सुरुवात गरेका कामहरुलाई पूर्णता दिने, आएटा, कर, भ्याटलगायत व्यवसायीक समस्यालाई सम्बोधन गर्दै नेपालको पर्यटन प्रवद्र्धनमा लागि पर्ने आफ्नो समूहको मुलभुत एजेन्डा रहेको पनि बताए ।

शर्मा डिके टूर्स एन्ड ट्राभलका सञ्चालक हुन । विगत लामो समयदेखि पर्यटनमा आबद्ध शर्मा सन् २००२ देखि नाट्टामा आबद्ध छन् । सन् २०१० देखि २०१४ सम्म दुई कार्यकाल कार्यसमिति सदस्यको जिम्मेवारी सम्हालेका उनले हाल (सन् २०१६ देखि २०१८) द्वितिय उपाध्यक्ष्को जिम्मेवारी बहन गरिरहेका छन् ।

एक उत्तर छोड्न

Please enter your comment!
Please enter your name here